Cadidi Cakulewa bza Umambo bwa Mulungu
Jezu adapfunzisa ateweri wace kuti ambapembe tenepa: ‘Baba wathu kudzuluko, dzina lanu licenesedwe. Umambo bwanu bubwere. Kufuna kwanu kucitike pansi pano ninga kudzuluko.’ (Mateu 6:9, 10) Kodi Umambo bwa Mulungu n’Ciyani? Kodi Umambobo bun’dzacita ciyani? Thangwe ranyi tin’funika kubukumbira kuti bubwere?
Jezu ni Mambo wa Umambo bwa Mulungu.
Luka 1:31-33: ‘[Iwepo] un’dzamucemera dzina lakuti Jezu. Iye an’dzakhala mkulu, acidzacemeredwa Mwana wa Mkululetu; ndipo Yahova Mulungu an’dzamupasa mpando wa umambo wa Davide, babace, ndipo iye an’dzatonga nyumba ya Djakobi, nthawe zentse, ndipo Umambo bwace bun’dzamala lini.’
Nkhani Ikulu Yomwe Jezu Akhapalizira Ikhali ya Umambo bwa Mulungu.
Mateu 9:35: ‘Jezu adacita ulendo bwakuzungira mizinda na midzi yentse, acimbapfunzisa m’masinagoga, kupalizira bzipsa bzabwino bza umambo na kumbapoza matenda ya mtundu uli-wentse na kutepa kuli-kwentse.’
Jezu adauza anyakupfunza wace cizindikiro comwe cingadadzawathandiza kudziwa bza kubwera kwa Umambo.
Mateu 24:7: ‘Mtundu un’dzamukirana na mtundu unzace, ndipo boma lin’dzamukirana na boma linzace. Kun’dzakhala njala na bziteke-teke m’mbuto zakusiyana-siyana.’
Ntsiku zino anyakupfunza wa Jezu akupalizira pa dziko lentse bza Umambo bwa Mulungu.
Mateu 24:14: ‘Bzipsa bzabwino bza Umambo, bzin’dzapaliziridwa pa dziko lentse komwe kuna wanthu, ninga umboni kwa mitundu yentse, ndipo pamwepo cimaliziro cin’dzafika.’