Bziratizo bza Upalizi
Tingaigumane Kuponi Mitawiro ya Mibvunzo Yakufunika Kwene-kwene pa Moyo Wathu?
Gawirani ka tsambako kwa mweneciro nyumba kuti iye awone msolo wa katsambako ndipo lewani kuti: “Muli tani. Tinkucita kampanya yomwe inkucitika pa dziko lense lapansi yakugawira ka tsamba komwe kana nkhani yakufunika kwene-kwene. Iri ndiro tsamba lanu.”
Penu imwepo munisiya katsambako pa nyumba zomwe ziribe wanthu, kaikheni pa mbuto yakusaya kuwonekera ndipo lekani kundokafunya-funya mwa kusaya kuwoneka bwino.
Penu mweneciro nyumba akufuna kudziwa bzizinji ayai akufuna kuceza, imwepo mungakumbire kuti iye apereke nzeru yace pa mibvunzo yomwe iri kutsogolo kwa katsambako. Ndipo mulatizeni bzomwe Psalymo 119:44, 160 limbalewa. Mufotokozereni kuti katsambako kana nkhani za mu Webisaite zomwe zingawathandize kugumana mitawiro yakubveka bwino yakucokera m’Bibliya. Penu iye ana nthawe, pinango mungacite bzimwebzo mwa kumulatiza vidiyo yakuti “Thangwe ranyi tin’funika kupfunza Bibliya?” Mukanati kucoka, mulatizeni mibvunzo mitatu yomwe iri kumambuyo kwa katsambako ndipo mubvunzeni kuti ni mbvunzo uponi omwe akufuna kubva mtawiro wace. Mukadzabwerera pomwe, dzacezeraneni mitawiro yomwe iri pansi pa ESINOS BÍBLICOS > PERGUNTAS BÍBLICAS RESPONDIDAS.
Ku mbuto zomwe mpsakunesa kukhala na interneti gawirani broxura la Bzipsa Bzabwino Bzakucokera kwa Mulungu! mwa kulewa kuti: “Ndin’dekedwa kukuwonesani momwe bzingakhalire bzakukondwesa kupfunza Fala la Mulungu.” Mulekeni mweneciro nyumba asankhule msolo kumambuyo kwa broxuralo mucimuuza kuti: “Imwepo mun’dziwa kuti mu mphindi zing’ono-ng’ono mungagumane mtawiro wa mbvunzo wakufunikayu?” [Mulatizeni mwakuphatisa basa mbvunzo womwe iye wasankhula.] Mwakuphatisa basa kamsolo ka pamwepo ninga mbvunzo, citani makonzedwe yakupitiriza kucezeranako. Citani ciri-cense kuti panyumba iri-yense musiye katsamba kakuti Tingaigumane Kuponi Mitawiro ya Mibvunzo Yakufunika Kwene-kwene pa Moyo Wathu?
Penu imwepo mukugawira pabodzi na mcemo wa mtsonkhano wanu wacigawo, mugawireni mweneciro nyumba ndipo nthawe ibodzi-bodziyo mupaseni katsamba mucilewa kuti, “Kuthumizira pamwepa, ndikukupasani mcemo kuti mudzabwere ku mtsonkhano wacigawo omwe unkubwera.”
Nsanja ya Olonda 1 Agosto
Pa kumala kwa mdzinga, penu bzingafunike, lewani bzomwe bziri mu Nsanja ya Olonda: “Ifepano takomedwa pomwe kukugawirani marevista yathu yatsapano. Nsanja ya Olonda iyi inkutawira mbvunzo wakuti, Kodi Mulungu ambakukumbukirani?”
Awake! Agosto
Pa kumala kwa mdzinga, penu bzingafunike, lewani bzomwe bziri mu Galamukani!: “Ifepano takomedwa pomwe kukugawirani marevista yathu yatsapano. Galamukani! iyi inkutawira mbvunzo wakuti, Kodi wanthu angacite ciyani kuti akhale pa mtendere?”