“Ndimbamugumana Lini Pomwe Panyumba Pace!”

Kodi mudalewambo kale bzibodzi-bodzibzi kuna omwe akhafunisisa kudziwa bzizinji? Napo munkuyezera kuzungira munthuyo mwakubwerezera-bwerezera, imwepo munkukwanisa lini kuthirizira mbewu yacadidi yomwe mudabzala. (1 Wak. 3:6) Nthawe zinango, apalizi wa luso ambanembera tsamba omwe alibe kuwagumana pamuyi, ayai wambanemba tumafala patsamba acisiya pa msuwo. Apalizi winango wambatcenkheratu bvuto lakusaya kugumana pomwe munthu panyumba ndipo ambamukumbira mulewengo wace wa mtedwe, pinango mwa kumubvunza, kuti: “Kodi mumbakomedwa kutambira mensagem?” Tingalewenge ulendo bwakubwereza, pomwe tamuzungira ayai tamupalizira mwa kuphatisira basa tsamba, e-mail, kunemba mafala, kusiya katsamba ka tumafala pa msuwo pace, ayai kumupfuwira mtedwe. Napo ambagumanika lini pamuyi kawiri-kawiri, tingakwanise kukuza mtima wace wakufuna kubva bzizinji.