Bziratizo bza Upalizi

Bzomwe Tingalewe pa Kampanya Yakupereka Mcemo wa Cikumbuso

“Tinkugawira mcemoyu wakucemerera wanthu ku msinda wakufunika kwene-kwene. Pa Abril 3, bzulu na bzulu bza wanthu kuzungulira dziko lense wan’dzatsonkhana kuti akumbukire infa ya Jezu Kristu na kudzatetekera nkhani ya wense yomwe in’dzafotokoza momwe tingagumanire phindu na infa yace. Mcemoyu un’kulatiza nthawe na mbuto yomwe kun’dzacitikira mtsonkhanoyo mu dera lathu.”

Nsanja ya Olonda Março 1

“Pa Abril 3 tin’dzakhala tinkukumbukira infa ya Jezu Kristu. Wanthu winango wa mu dera lathu wan’dzatsonkhana pa nsiku imweyi kuti akumbukire cakucitikaco, koma pana winango womwe ambakumbuka kuti infa ya Jezu iribe thandauzo kuna iwo. Kodi imwepo mumbakumbuka tani? Kodi mumbakumbuka kuti infa ya Jezu na kulamusidwa kwace bzina phindu kuna ife? [Dikhirani atawire.] Onani bzomwe Fala la Mulungu limbalewa pa nkhaniyi. [Werengani 1 Wakolinto 15:22, 26.] Revistayi inkufotokoza bza phindu lakutsogolo la nsembe ya cakulombolera ya Jezu, kulewa kuti in’dzafika nsiku yomwe palibe munthu an’dzafa pa dziko lapansi pano.”

Galamukani! Março

“Tinkuzungira anansi wathu mwacigwatho ticiwalatiza Galamukani! ya mwezi uno. [Mulatizeni kunja kwa tsamba lakuyamba.] Munthu ali-wense ana makumbukidwe yace pa mbvunzo wakuyamba uyu: ‘Kodi Mulungu alipo?’ Kodi mumbakumbuka kuti mbani angadziwe bwino bzakutsogolo​—wanthu womwe ambamukhulupira Mulungu ayai wale womwe ambamukhulupira lini? [Dikhirani atawire.] Pana piciro lakucokera kwa Mulungu lomwe limbapasa cidikhiro wanthu azinji. [Werengani Psalymo 37:10, 11.] Revistayi inkufotokoza mathangwe manai yakulatiza kuti Mulungu alipo.”