BIBLIYOTEKA YA PA INTERNETI ya Watchtower

BIBLIYOTEKA YA PA INTERNETI

mwb16 Abril tsa. 3
Limbisani Winango na Mafala Yabwino

Moyo Wathu Wacikristau na Utumiki—Kabukhu ka Mitsonkhano—2016

mwb16 Abril tsa. 3

CUMA CA M’FALA LA MULUNGU | DJOBI 16-20

Limbisani Winango na Mafala Yabwino

Mafala ya muyeruzi yan’funika kukhala yakulimbisa winango

16:4, 5

Djobi akhatsautsika mu mtima, tenepo iye akhafuna thandizo na cirimbiso ca anzace
Tsono axamwali atatu wa Djobi alibe kulewa bzinthu bzakumutsangalaza. M’mbuto mwace adalewa bzithu bzakumunamizira ndipo adathumizira thupo lace

Mafala yakuipa ya Bilidadi yadacitisa kuti Djobi alire na kutsautsika

19:2, 25

Djobi adalirira Mulungu kuti agumane mpumulo—mpaka adakumbira kufa
Djobi adapitiriza kupirira thangwe ra cidikhiro cace ca cilamuso

Elifazi ankulewalewa na Djobi pomwe Bilidadi na Zofari ankundonyang’anisa

ANYAKUNAMIZIRA DJOBI

Elifazi:

Pinango adacokara ku Temani m’dziko la Edomu. Temani ambalewedwa pa Jeremiya 49:7 ninga nsansa ya nzeru za Aedomu
Ninga muyeruzi m’bodzi wacikulire na wakubvekera pa “ayeruziwo,” Elifazi ndiye omwe adayamba kulewalewa. Iye adalewa bzinthu bzitatu ndipo adalewalewa kwene-kwene kuposa anzace awiriwo

Bzomwe Adanamizira Djobi:

Adanyozera kukhulupirika kwa Djobi, acilewa kuti Mulungu ambakhulupira lini wanthu wace (Djobi 4, 5)
Adalewa kuti Djobi akhali wakubzikuza na wakuipa ndipo akhagopa lini Mulungu (Djobi 15)
Adanamizira Djobi kuti ngwadyera na wakusaya cirungamo acilewa kuti munthu ngwakufunika lini kwa Mulungu (Djobi 22)

Bilidadi:

Mbadwe ya ku Shuwa. Pinango iye akhakhala pafupi na mkulo wa Efrate
Iye akhali waciwiri wa kulewalewa. Iye adalewa bzinthu bzitatu bzakucepa ndipo bzakuipa kwene-kwene kuposa bza Elifazi

Bzomwe Adanamizira Djobi:

Adathumizira acilewa kuti wana wa Djobi akhadacita pikado ndipo adathemera ngozi yomwe idawacitikira, ndipo adalewambo kuti Djobi caiyeyo akhagopa lini Mulungu (Djobi 8)
Kuthumizira bzimwebzi, iye adalewa kuti Djobi akhacita bzinthu bzakuipa (Djobi 18)
Adalewambo kuti kukhulupirika kwa wanthu nkwakusaya phindu (Djobi 25)

Zofari:

Zofari m’Naamani pinango pense wakucokera kumpoto kwa Arabia
Iye akhali wacitatu kulewalewa ndipo akhali nyakunamizira wakuipa. Iye adalewa bzinthu bziwiri basi

Bzomwe Adanamizira Djobi:

Adalewa kuti mafala ya Djobi njakuthandiza lini ndipo adamuuza kuti asiye bzicito bzace bzakuipa (Djobi 11)
Adalewambo kuti Djobi akhali wakuipa ndipo akhakomedwa na kucita bzakuipa (Djobi 20)