Njira Zakuphatisira Basa JW Library

PAKUCITA PFUNZIRO:

• Werengani Bibliya na vesi la nsiku

• Werengani Buku Lapachaka, marevista na mabukhu manango. Phatisani basa bookmark (marcadores)

• Konzekerani mitsonkhano ya gwere, ndipo kwalani mitawiro

• Onani mavidiyo

KU MITSONKHANO:

• Werenganimbo bzinembo bzomwe mfotokozi ankulewa. Phatisani basa mbuto yomwe imbawonesa bzomwe mwawerenga kale kuti mubwerere pa cinembo

• M’mbuto mwa kutakula mabukhu pa kuyenda ku mitsonkhano, phatisani basa mtedwe wanu kuti mutewere mbali zense kuphatanidza pakuimba nyimbo. JW Library ina nyimbo zipsa zomwe zikanati kucoka m’mabukhu

MU UTUMIKI:

• Latizani bzinthu bzinango bza mu JW Library kwa munthu omwe ankufunisisa ndipo muthandizeni kuikha programa ya JW Library na mabukhu mu mtedwe mwace

• Phatisani basa mbuto yakufufudzira kuti mugumane vesi la m’Bibliya. Penu mafala yankugumanika lini mu Tradução do Novo Mundo revisada, tinyani pa Referências Bíblicas mucifufudza papsa

• Onesani vidiyo. Penu mweneciro nyumba ana wana, mungalatize ibodzi mwa mavidiyo yakuti Khala Xamwali wa Yahova. Ayai mungalatize vidiyo yakuti Thangwe Ranyi Tin’funika Kupfunza Bibliya? kuti mumucitise kufuna kupfunza Bibliya. Penu munthu ambalewalewa cirewedwe cinango, muwoneseni vidiyo m’cirewedwe caceco

• Cinjani cirewedwe ca vesi la m’Bibliya lomwe mudacosa kale kuti mumuwerengere munthu m’cirewedwe cinango. Mungapite pa cinemboco mucitinya mulewengo wa vesi kuti muwone m’cirewedwe cinangoco