Kukhala na Moyo Wakusaya Kufuna Bzizinji Kumbatithandiza Kutumbiza Mulungu

Nsiku zino, pana bzinthu bzizinji bzomwe bzingaticeukise pa moyo wathu wauzimu. Pambafunika nthawe na mphanvu kuti tigule cinthu, tilipire ayai kucikonzesa na kusamalira cuma cathu. Jezu adakhala na moyo wakusaya kufuna bzizinji, tenepo alibe kuceukisidwa na bzinthu bzakuthupi pa utumiki bwace.—Mat 8:20.

Kodi imwepo mungakhale tani na moyo wakusaya kufuna bzizinji kuti mukwanise kuthumizira utumiki bwanu? Kodi mungacinje bzinthu bzinango kuti m’bodzi wa m’banja mwanu akwanise kucita upainiya? Napo penu munkutumikira kale kwa nthawe zense, kodi munkuyamba kuceukisidwa pang’ono na pang’ono na bzinthu bzakuthupi? Kukhala na moyo wakusaya kufuna bzizinji pakutumikira Yahova n’kwabwino, ndipo kumbabweresa cikondweso.—1Tim 6:7-9.

Momwe Ndingakhalire na Moyo Wakusaya Kufuna Bzizinji