Timbatambire Bwino Alendo

Kodi alendo omwe ankulewedwawa mbani? Ni wense omwe an’bwera ku mitsonkhano yathu ya gwere, ninga anzathu omwe tidaleka kale-kale kuwonana nawo ayai wale omwe ankuyambiratu. (War 15:7; Waheb 13:2) Angakhalembo Akristau anzathu wakucokera ku dziko linango, ayai wale omwe akhadadjedjera mwauzimu omwe abwera ku mitsonkhano yathu. Mungadakhala imwepo, kodi mungadadekedwa lini kutambiridwa bwino? (Mat 7:12) Tenepo, ni bwino kumbamusa abale na mpfumakazi zathu, mitsonkhano inati kuyamba ayai ikamala. Kucita bzimwebzi kumbatumbiza Yahova ndipo kumbabweresa ciphatano m’gwere. (Mat 5:16) N’cadidi kuti tingakwanise lini kumusa abale wense, tsono tikacita mbali yathu, wense an’dzabzibva kuti atambiridwa bwino.a

Mzimu wakutambira bwino alendo un’funika kumbalatizidwa nthawe zense, sikuti pa nsiku ya Cikumbuso yokha. Ndipo alendo akatambiridwa bwino, pinango iwo angaphatane nafe pa kunamata kwacadidi.—Ju 13:35.