Ankugawira katsamba ka Anyakufa Wangakhaledi Pomwe na Moyo ku Tuvalu
Bziratizo bza Upalizi
GALAMUKANI!
Mbvunzo: Thangwe ranyi mpsakufunika kukhala wakukonzeka, pomwe malengwa ya pansi yanati kutigwera?
Vesi: Mim 27:12
Gawirani: Revistayi inkulatiza bzomwe tingacite pomwe malengwa ya pansi yanati kutigwera, yakatigwera na pambuyo pakutigwera.
PFUNZISANI CADIDI
Mbvunzo: Kodi tingalatize tani kuti timbafuna Mulungu?
Vesi: 1Ju 5:3
Cadidi: Tingalatize kuti timbafuna Mulungu mwa kumbabvera malamulo yace.
KODI ANYAKUFA WANGAKHALEDI POMWE NA MOYO? (T-35)
Mbvunzo: Wanthu azinji wa mitima yabwino pa dziko lense la pansi ambacita misinda ya kulemekeza anyakufa. Kodi tingadikhirire kudzagumana pomwe na anyakufunidwa wathu omwe adafa?
Vesi: Mab 24:15
Gawirani: Katsambaka kambalewa phindu lomwe imwepo mungagumane thangwe ra cidikhiro ca cilamuso. [Bzikakwanisika latizani vidiyo yakuti: Kodi Anyakufa Ana Cidikhiro Ciponi?]
KONZANI CIRATIZO CANU CA UPALIZI
Phatisani basa bziratizobzi kuti mukonze bziratizo bzanu bza mu utumiki.