Kukulisa Luso Lathu mu Utumiki​—Kuphatisa Basa Mibvunzo mwa Luso

THANGWE RANYI MPSAKUFUNIKA: ‘Makumbukidwe ya mu mtima mwa munthu yali ninga madzi yakuzika,’ ndipo mibvunzo iri ninga balde lakuti tikwanisire kuyatunga. (Mim 20:5) Mibvunzo imbathandiza kuti anyakubvesera alewembo makumbukidwe yawo pa nkhani yomwe tinkucezeranayo. Mtawiro wa mbvunzo wakusakhulidwa bwino ungabwerese bzakutewera bzabwino. Jezu akhaphatisa basa mibvunzo mwa luso. Kodi tingamutewezere tani?

MOMWE MUNGACITIRE:

• Citani mibvunzo kuti munthu alewe makumbukidwe yace pa nkhaniyo. Jezu akhacita mibvunzo yakusiyana-siyana kwa anyakupfunza wace kuti awone momwe iwo ankukumbukira. (Mat 16:13-16; be-CN tsa. 238 ndi. 3-5) Kodi ni mibvunzo iponi yomwe ingakuthandizeni kudziwa makumbukidwe ya munthu omwe munkuceza naye?

• Citani mibvunzo kuti munthu akwanise kupereka mtawiro wakulondoza. Kuti alungamize makumbukidwe ya Pedru, Jezu adamupasa mbvunzo omwe ungadamucitisa kupereka mtawiro wakulondoza. (Mat 17:24-26) Kodi ni mibvunzo iponi yomwe mungacite kuti munthu akwanise kupereka mtawiro wakulondoza?

• Mutendeni munthuyo. Jezu adatenda munembi munango thangwe rakuti munembiyo adatawira ‘mwanzeru’. (Mar 12:34) Kodi mungatende tani munthu omwe atawira bwino mbvunzo omwe mwamupasa?

ONANI MBALI YAKUYAMBA YA VIDIYO YA MSOLO WAKUTI: CITANI BASA LOMWE JEZU ADACITA—KUPFUNZISA, MUKAMALA TAWIRANI MIBVUNZO YAKUTEWERAYI:

• Thangwe ranyi tingalewe kuti ciratizoci n’cakusaya kuphata mtima napo kuti cipfunzisoco n’cakulondoza?

• Thangwe ranyi kundofotokoza bzomwe tawerenga pa ndime mpsakukwanira lini?

ONANI MBALI YACIWIRI YA VIDIYOYI, MUKAMALA TAWIRANI MIBVUNZO YAKUTEWERAYI:

• Kodi m’baleyu aphatisa tani basa mibvunzo mwa luso?

• Kodi ni mbali ziponi za kapfunzisidweka zomwe ifepano tingatewezere?