‘Mbaperekani Mphaso kwa Yahova’

Kodi nsiku zino tingapereke tani ‘mphaso yomwe iri m’manja mwathu kwa Yahova’? (1Nkha 29:5, 9, 14) Pansipa pana njira zakusiyana-siyana zomwe tingasankhule kucitira bzakupereka bzathu bza ufulu kuti tithandizire basa la Mboni za Yahova, komwe tiri na pa dziko lense.

BZAKUPEREKA BZOMWE MUNGACITE NA PA INTERNETI AYAI M’MAKAXA YA BZAKUPEREKA:

• 

  BASA LA PA DZIKO LENSE

  kumangidwa na kuphata basa kwa mthambi na bzipinda bzakusandulizira

  kusamalira xikola za utumiki

  kusamalira atumiki wakupambulika omwe ankutumikira mwa nthawe zense

  kuthandiza abale wakugwedwa na matsoka

  kudinda mabukhu, kukonza mavidiyo na kukonza bzinthu bza pa interneti

• 

  BZAKUPEREKA BZAKUGULIRA BZINTHU BZAKUFUNIKIRA M’GWERE

  kukonzesa Nyumba ya Umambo na kugula bzinthu bzakufunikira

  kobiri zomwe gwere lidabverana kumbatumiza ku mthambi kuti:

  • zikaphatisidwe basa pakumanga Nyumba za Umambo na Nyumba za Mitsonkhano Mikulu-mikulu pa dziko lense

  • kuti zithandizire ngozi zomwe zingacitike mwadzidzidzi pa dziko lense la pansi

  • zikaphatisidwe basa pa kusamalira mabasa manango pa dziko lense la pansi

MITSONKHANO MIKULU-MIKULU

Bzakupereka bzomwe bzimbacitidwa pa mitsonkhano ya cigawo, bzimbatumizidwa ninga bzakupereka bzakusamalira basa la pa dziko lense. Patsogolo pace, kobiri zimwezo zimbadzaphatisidwa basa pakusamalira mitsonkhano minango mikulu-mikulu, mitsonkhano yakupambulika na mitsonkhano ya madziko.

Ndipo bzakupereka bzakucitidwa na dera bzimbaphatisidwa basa kuti alipirire mbuto zakucitira mitsonkhano ya dera na kusamalira bzikufunikira bzinango. Dera lingasankhule kupereka kobiri zakuthumizirika kuti zikathandize pa basa la pa dziko lense la Mboni za Yahova.