Kodi Yahova ambaiwona Tani Nkhani Imweyi?

Tikanati kucita cakusankhula cikulu ayai cing’ono, tin’funika kubzibvunza kuti: ‘Kodi Yahova ambaiwona tani nkhani imweyi?’ Napo kuti bzingakwanisike lini kudziwa makumbukidwe ya Yahova m’bzinthu bzense, iye adazimbula m’Fala lace Bibliya bzinthu bzakufunikira kuti ticite ‘basa liri-lense labwino.’ (2Tim 3:16, 17; War 11:33, 34) Jezu nthawe zense akhazindikira kufuna kwa Yahova ndipo akhaikha kufuna kwa Yahovayo pa mbuto yakuyamba. (Ju 4:34) Ninga Jezu, tin’funika kucita nyongo yakumbacita bzakusankhula bzomwe bzingakondwese Yahova.—Ju 8:28, 29; Wayef 5:15-17.

LATIZANI VIDIYO YAKUTI: PITIRIZANI KUZINDIKIRA KUFUNA KWA YAHOVA (MWAM 19:18), MUKAMALA TAWIRANI MIBVUNZO YAKUTEWERAYI:

• Thangwe ranyi tin’funika kuphatisa basa mitemo ya m’Bibliya pa moyo wathu?

• Kodi ni mitemo iponi ya m’Bibliya yomwe ingatithandize pakusankhula nyimbo zomwe timbabvesera?

• Kodi ni mitemo iponi ya m’Bibliya yomwe ingatitsogolere pa kabvalidwe kathu na kubzidekesa?

• Kodi ni mbali zinango ziponi za moyo wathu zomwe tin’funika kuphatisa basa mitemo ya m’Bibliya?

• Kodi tingakulise tani luso lathu la kumbazindikira kufuna kwa Yahova?