‘Pitirizani Kukumbukira Bzinthu Bzimwebzi’

Kodi ni bzinthu bziponi? Cinembo ca Wafiripo 4:8 cimbalewa kuti tipitirize kukumbukira bzinthu bzomwe mpsacadidi, bziri-bzense bzomwe mpsakufunika kwene-kwene, bziri-bzense bzomwe mpsakulungama, bziri-bzense bzomwe mpsakucena, bziri-bzense bzomwe mpsakufunidwa, bziri-bzense bzomwe n’bza mbiri yabwino, makhalidwe yali-yense yomwe njabwino, na bzense bzomwe mpsakutumbizidwa. Bzimwebzi bzin’funa lini kulewa kuti Akristaufe tin’funika kumbandokumbukira nkhani za m’Bibliya basi, koma makumbukidwe yathu yan’funika kukondwesa Yahova yacilekambo kutepesa citsimikizo cathu ca kukhala wakukhulupirika kwa Yahova.—Psal 19:14.

Kutcenkha makumbukidwe yakuipa kungakhale kwakunesa. Ndipopa tin’funika kulimbana na kuperewera kwathu na kulimbanambo na Sathani omwe ni ‘mulungu wa mkonzedwe uno wa bzinthu.’ (2Wak 4:4) Pakuti iye ndiye ankutonga dzikoli, bzinthu bzizinji bzomwe bzimbawonesedwa m’ma Televisão m’ma Rádio, pa Interneti na m’mabukhu bzimbakhala bzakuipa bzokha-bzokha. Tin’funika kusamala pakusankhula bzomwe timbadzaza m’makumbukidwe mwathu, thangwe kusaya kucita bzimwebzo kun’dzadzonga makumbukidwe yathu na bzicito bzathu.—Tiy 1:14, 15.

ONANI VIDIYO YAKUTI TCENKHANI BZOMWE BZINGAKUTAZISENI KUKHALA WAKUKHULUPIRIKA—MASENZEKA YAKUIPA, NDIPO MUKAMALA TAWIRANI MIBVUNZO YAKUTEWERAYI:

• 

  Kodi n’ciyani comwe m’bale ule akhawona mu mtedwe mwace, ndipo bzimwebzire bzamutokonya tani?

• 

  Kodi cinembo ca Wagalata 6:7, 8 na Psalymo 119:37 camuthandiza tani?