Bzomwe Mungapfunze na Nyimbo za mu Broadcasting

Kodi ni nyimbo ziponi za mu Broadcasting zomwe mumbafuna kwene-kwene? Ndipo thangwe ranyi mumbazifuna? Kodi mumbakwanisa kuwona kuti vidiyozi zimbalatiza bzinthu bzomwe bzimbacitika pa moyo wa ntsiku na ntsiku? Tina nyimbo zakusiyana-siyana zomwe zina misolo na kayimbidwe kakusiyana-siyana. Napo bziri tenepo, dziwani kuti nyimbozi ziribe kukonzedwa kuti zimbandotitsagaleze basi.

Nyimbo iri-yense ina nfundo zakuthandiza zomwe tingaziphatise basa pa moyo wanthu Wacikristau na mu utumiki. Zinango mwa nyimbozi zimbalewa bza kutambira alendo, ciphatano, uxamwali, kulimba mtima, lufoyi na cikhulupiro. Ndipo zinango zimbalewa bza kubwerera kwa Yahova, kulekerera winango, kucita bzabwino ntsiku zentse na kukhala na bzakulinga bzauzimu. Ndipo iripombo nyimbo yomwe imbalewa bza momwe tingaphatisire basa bwino mtedwe. Kodi ni nfundo ziponi zomwe mwazipfunza kucokera mu nyimbo za mu Broadcasting?

ONANI VIDIYO YA NYIMBO YAKUTI: DZIKO LIPSA LAFENDERA, NDIPO MUKAMALA TAWIRANI MIBVUNZO YAKUTEWERAYI:

• Kodi ni bzisimbo bziponi bzomwe banja lakukalambali likukumbukira? —Ciy 12:3

• Kodi tingalimbise tani cikhulupiro cathu cakuti Yahova an’dzaticitira bzentse bzomwe iye adalewa?

• Kodi n’cikondweso ciponi comwe wanthu an’dzakhala naco akadzagumana mu dziko lipsa?

• Kodi cidikhiro cathu pa bzomwe Umambo bun’dzacita cimbatithandiza tani kupirira mabvuto yomwe tikugumana nayo ntsiku zino?—War 8:25