CUMA CA M’FALA LA MULUNGU | KUFULUKA 10-11

Mozeji na Aroni Adalatiza Kulimba Mtima Kukulu

10:3-6, 24-26, 28; 11:4-8

Mozeji na Aroni adalatiza kulimba mtima kukulu pomwe adakalewalewa na Farawo omwe akhali munthu wa mphanvu pa dziko lentse pa nthawe imweyire. Kodi n’ciyani comwe cidawathandiza kucita bzimwebzi? Pakulewa bza Mozeji Bibliya limbati: ‘Thangwe ra cikhulupiro iye adacoka ku Edjipito, ndipo alibe kugopa ukali bwa mambo, pakuti akhapitiriza kukhala wakulimba ningati ankuwona Ule omwe ngwakusaya kuwoneka.’ (Waheb 11:27) Mozeji na Aroni akhana cikhulupiro cakulimba ndipo akhathemba Yahova.

Kodi ni pa bzakucitika bziponi pomwe mungafunike kulimba mtima kuti mufotokoze bza cikhulupiro canu kwa munthu omwe ana udindo?

Bzithunzithunzi: Bzakucitika bzomwe bzimbafunika kulimba mtima. 1. Mulumbwana adandoima pomwe winango akuimba hino nacional ku xikola. 2. M’bale akutongedwa mirandu mu nyumba ya mphala. 3. M’bale wacitswaka akugawira katsamba kwa mwenekaciro mui mu utumiki pomwe wa mphanvu za umangi akuwona.