Pitirizani Kukhala Wakukhwimika Pomwe Cimaliziro Cikufika

THANGWE RANYI MPSAKUFUNIKA: Pana bzinthu bzomwe bzin’citika kutsogoloku, bzomwe bzin’dzayeza kukhwimika na kukhulupira kwathu Yahova kuposa kale. Citsautso cikulu cin’dzayamba pomwe bzipembedzo bzakunama bzin’dzapfudzidwa. (Mat 24:21; Cibv 17:16, 17) Pa nthawe yakunesayi, ifepano tin’dzakhala tikudziwisa mafala yakuwawa kwene-kwene yomwe nga ciweruzo. (Cibv 16:21) Ndipo tin’dzamukiridwa na Gogi wa ku Magogi. (Zakiy 38:10-12, 14-16) Kuti akhotcerere wanthu wace, Yahova an’dzabweresa ‘nkhondo ya ntsiku ikulu ya Mulungu wamphanvu yentse.’ (Cibv 16:14, 16) Kuti tidzakhale wakulimba mtima pa nthawe imweyi, ifepano tin’funika kukhala wakukhulupiririka pa mayezo kuyambira nthawe ino.

MOMWE TINGACITIRE:

• Tikhale wakulimba mtima kuti timbakhotcerere na kuteweza mitemo ya Yahova.—Zai 5:20

• Tin’funika kupitiriza kumbanamata Yahova pabodzi na Akristau anzathu.—Waheb 10:24, 25

• Timbateweze mitemo ya Yahova mwakusaya kuzeza.—Waheb 13:17

• Timbakumbukire momwe Yahova adapulumusira wanthu wace m’mbuyomu.—2Pe 2:9

• Timbapembe kwa Yahova na kumukhulupira. —Psal 112:7, 8

ONANI VIDIO YA MSOLO WAKUTI BZAKUCITIKA BZAKUTSOGOLOKU BZOMWE TIN’DZAFUNIKA KUKHALA WAKUKHWIMIKA—CIPANDE, MUKAMALA CITANI MIBVUNZO YAKUTEWERAYI:

• 

  Kodi kubvera kwa apalizi wa m’gwere linango kudayezedwa tani pomwe apalizi wa gwerelo adagawidwa kuti akacite mbali ya magwere manango?

• 

  Kodi kubvera na kukhwimika bzimbabverana tani?

• 

  Thangwe ranyi tin’funika kulimba mtima pomwe Armagedo ikubwera?

• 

  Kodi ni nkhani iponi ya m’Bibliya yomwe ingalimbise cikhulupiro cathu cakuti Yahova angatipulumuse?—2Nkha 20:1-24