Citani Cakupereka ca Nthawe na Mphanvu Yanu kwa Yahova

Ninga momwe bzidalewedweratu na mpolofeta Zaiya, gulu la Yahova pa dziko la pantsi likukula kwakuti bwerani mudzawone. (Zai 54:2) Ninga bzakutewera bzace, pan’funika kukonzedwa Nyumba za Umambo zipsa, mbuto zipsa zakucitira Mitsonkhano Mikulu-mikulu na Mabeteli mapsa. Tsono pambuyo pa Nyumbazi kukonzedwa, izo zin’dzafunikirambo kumbakonzesedwa. Kodi ni mwayi uponi omwe ifepano tikupasidwa kuti tipereke nthawe na mphanvu yathu kwa Yahova?

• Ifepano tingathandizire, pomwe grupo yathu ya utumiki bwakumunda yasankhulidwa kuti icite limpeza m’Nyumba yathu ya Umambo

• Ifepano tingabzipereke kuti tipfunzisidwe basa la kukonza Nyumba yathu ya Umambo ikadzongeka

• Tinganembe Petição para Voluntário do Departamento Local de Projeto/Construção (DC-50), kuti timbathandize mabasa yomwe yambacitidwa nthawe zinango na basa la kumanga na kukonza nyumba zomwe zadzongeka lomwe likucitidwa kufupi na komwe timbakhala

• Tinganembe Petição para o Serviço de Voluntário (A-19) na kumbabzipereka kuti tithandize kwa sumana ibodzi ayai kuposa pa mabasa yomwe yambacitidwa na mthambi ya m’dziko lathu pa Beteli ayai m’mbuto zinango

ONANI VIDIYO YA MSOLO WAKUTI  BASA LA KUMANGA LOMWE LIKUFUNA KUCITIDWA—CIPANDE, NDIPO MUKAMALA CITANI MIBVUNZO YAKUTEWERAYI:

• Kodi ni kuthimizirika kwakudabwisa kuponi komwe kwacitika kwa kaphatisidwe basa ka mavidiyo kuyambira mu 2014?

• Na kuthimizirika kwa basa la kukonza mavidiyo, kodi ni basa liponi lomwe likufunika kucitidwa ndipo lin’tenga nthawe zingasi?

• Kodi wale omwe an’funa kubzipereka pa basa limweri angathandizire tani?

• Penu imwepo mun’funa kuthandiza basa lakumanga lomwe likufuna kucitika ku Ramapo, thangwe ranyi mpsakufunika ku nemba formulario ya DC-50 kuti muthandize pa basa lomwe likucitidwa kufupi na komwe mumbakhala?

• Kodi n’ciyani comwe cikulatiza kuti Yahova akutsogolera basali?

• Kodi ni njira ziponi zomwe tingaziphatise basa, kuti tithandize pa basali napo kuti tingakwanise lini kugumanika kumweko thangwe ra momwe bzinthu bziriri pa moyo wathu ayai thangwe rakuti timbakhala lini m’gawo la Nthambi ya Estados Unidos?