Maswaka​—Kodi Yahova ni Xamwali Wanu wa pa Mtima?

Kodi imwepo mumbafuna kuti xamwali wanu akhale na makhalidwe yaponi? Pinango-pentse mumbafuna kuti akhale wakukhulupirika, wakudeka mtima na wakupasa. Ndipo Yahova anayo makhalidwe yentseya. (Kuf 34:6; Mab 14:17) Mukambacita mipembo iye ambakutetekerani. Iye ni ule omwe ambakuthandizani mukambafunikira thandizo. (Psal 18:19, 35) Iye ambalekerera bzakuphonya bzanu. (1Ju 1:9) Yahova ni xamwali wabwino kwene-kwene!

Kodi imwepo mungakhale tani xamwali wa Yahova? Pfunzani bza iye mwa kumbawerenga fala lace. Mbamuuzani bzentse. (Psal 62:8; 142:2) Mbalatizani kuti mumbawonambo kukhala bzakufunika bzinthu bzentse bzomwe Yahova ambabziwona kukhala bzakufunika; bzinthu ninga: mwanace, Umambo bwace, na malumbiro yace yakulewa bza kutsogolo. Mbauzanimbo winango bza iye. (Bzak 32:3) Mukakhala xamwali wa pamtima wa Yahova, iye an’dzakhalambo xamwali wanu kwa nthawe zentse.​—Psal 73:25, 26, 28.

ONANI VIDIYO YA MSOLO WAKUTI MASWAKA​—‘LAWIDZANI, MUCIWONA KUTI YAHOVA NGWABWINO,’ MUKAMALA CITANI MIBVUNZO YAKUTEWERAYI:

• 

  Kodi imwepo mungakonzeke tani kuti mubzipereke na kubatizidwa?

• 

  Kodi winango m’gwere mwanu angakuthandizeni tani kutumikira Yahova?

• 

  Kodi kulewalewa bza Yahova na winango kungalimbise tani uxamwali bwanu na iye?

• 

  Pomwe mukutumikira Yahova, kodi ni mwayi uponi omwe mungakhale nawo?

• Kodi n’ciyani comwe imwepo mumbakomedwa naco na Yahova?