Perekani Bzentse bzomwe mungakwanise kwa Yahova

5:5-7, 11

Kusauka kukhacitisa lini kuti Mjirayeri aluze mwayi wakukhala pa uxamwali bwakulimba na Yahova. Thangwe anyakusauka angadapereka kwa Yahova ntsembe zakumukondwesa. Cakufunika kwa Yahova cikhali cakuti munthu angadapereka bzomwe angadakwanisa. Mwaciratizo, Ajirayeri wakusauka angadapereka ufa, koma bukhafunika kukhala ‘ufa bwakunyodoka’ bomwe akhambaphikira mulendo wakupambulika. (Ciy 18:6) Ntsiku zino, Yahova ambabvuma ‘ntsembe za citumbizo’ zomwe timbapereka. Napo kuti timbakwanisa lini kucita bzentse bzomwe tingakwanise, iye ambatenda nyongo yathu yakufuna kumutumbiza.—Waheb 13:15.

Kodi kudziwa bzimwebzi kungakulimbikiseni tani penu mukukwanisa lini kucita bzomwe mukhacita thangwe ra matenda ayai kucepa mphanvu?