Khotcererani Malowozi Yanu

Yahova ambawona malumbiro yomwe yambacitika pa malowozi kukhala yakufunika kwene-kwene. Ndipo iye adalewa kuti mwamuna na mkazi ambafunane. (Mat 19: 5, 6) Pakati pa atumiki wa Mulungu pana mabanja mazinji yakukondwa. Napo bziri tenepo, palibe banja lakulungamiratu, ndipo banja liri-lentse limbagumana na mabvuto. Ntsiku zino, wanthu azinji ambakumbuka kuti kupumirana na kulambana ni njira yabwino yakumalisira mabvuto ya m’banja. Tsono ifepano tin’funika lini kukumbuka tenepoyo. Kodi wanthu omwe adalowolana angakhotcerere tani malowozi yawo?

Mbatiwoneni nfundo zixanu zomwe zingathandize.

1. Khotcererani mtima wanu ku bzinthu bzomwe bzingadzonge malowozi yanu, ninga kusirira mwamuna ayai mkazi omwe ngwanu lini na kuwona bzinthu bza maika.—Mat 5:28; 2Pe 2:14.

2. Limbisani uxamwali bwanu na Mulungu ndipo citani nyongo kuti malowozi yanu yambamukondwese.—Psal 97:10

3. Pitirizani kubvala unthu bupsa na kumbakumbukira bzinthu bzinango bzomwe mungacite kuti mukondwese mwanzanu wa m’banja.—Wakol 3:8-10, 12-14.

4. Mbacezeranani mwakutsudzuka na mwa ulemu.—Wakol 4:6.

5. Mbapasanani bzomwe ali-wentse an’themera m’banja mwalufoyi.—1Wak 7:3, 4; 10:24.

Akristau akambalemekeza malowozi yawo, ambakhala akulemekezambo Yahova omwe adayambisa malowoziyo.

LATIZANI VIDIYO YA MSOLO WAKUTI TIN’FUNIKA ‘KUPIRIRA’—KUTI TIBVERE MITEMO YA PA MPIKISANO, NDIPO MUKAMALA BVUNZANI ABVESERI KUTI:

• 

  Napo malowozi yaciyamba bwino, kodi ni mabvuto yaponi yomwe yangabwere?

• 

  Kodi nfundo za m’Bibliya zingathandize tani wale omwe akuwona kuti lufoyi lambombowa m’banja mwawo?

• 

  Kodi ni malamulo yaponi yomwe Yahova adakhazikisa kwa wale omwe ali m’banja?

• Kodi n’ciyani comwe mwamuna na mkazi an’funika kucita kuti akhale na malowozi yabwino?