BZIPEREKENI MU UTUMIKI BWAKUMUNDA | MBAKONDWANI KWENE-KWENE MU UTUMUKI
Phatisani Basa Bwino Bziratizo Pakufotokoza Nfundo Zikulu-zikulu
Pomwe tikucita ulendo bwakubwereza, ayai tikucitisa pfunziro la Bibliya, tin’funika kumbathandiza anyakupfunza wathu kubvesesa nfundo zikulu-zikulu. Tikambaphatisa basa bziratizo, tingatokonye mitima yawo na kucitisa kuti nfundozo zikhale zakusaya kunesa kumbazikumbukira.
Pomwe mukukonzekera ulendo bwakubwereza ayai pfunziro la Bibliya, mbasankhulani nfundo zikulu-zikulu zomwe mukufuna kukazibvekesa mwakuphatisa basa ciratizo, sikuti kanfundo kali-kentse. Mukamala, sankhulani kuphatisa basa bziratizo bzomwe bzimbadziwika bwino. (Mat 5:14-16; Mar 2:21; Lu 14:7-11) Mbawonani cikhalidwe na mabasa yomwe nyakupfunza wanuyo ambacita. (Lu 5:2-11; Ju 4:7-15) Mukambawona nyakupfunzayo akukondwa thangwe ra kubvesesa nfundoyo, imwepo mun’dzakondwambo.
ONANI VIDIYO YA MSOLO WAKUTI KHALANI WAKUKONDWA PAKUPFUNZISA WANTHU—KULISANI LUSO LANU—PHATISANI BASA BWINO BZIRATIZO PAKUFOTOKOZA NFUNDO ZIKULU-ZIKULU, MUKAMALA BVUNZANI ABVESERI KUTI:
Thangwe ranyi anyakupfunza wa Bibliya ambafunika thandizo kuti abvesese mavesi?
Kodi Rita abvekesa tani nfundo yakugumanika pa Waroma 5:12?
Bziratizo bzabwino bzimbatokonya mitima ya wanthu
Kodi ciratizo cabwino cingatokonye tani nyakupfunza wathu?
Pomwe tiri mu upalizi, thangwe ranyi tin’funika kumbaphatisa basa mavidiyo na mabukhu yanango yomwe gulu la Yahova limbapereka?