Cirango—Cimbalatiza Lufoyi la Yahova

Fala lakuti cirango, limbafuna kulewa kupfunzisa na kuyeruza, ndipo limbafuna kulewambo kulungamiza na kutsimula. Yahova ambatilanga na cakulinga cakuti tikwanise kumunamata mwakuthemera. (War 12:1; Waheb 12:10, 11) Nthawe zinango cirango cimbawawa, tsono cimbatithandiza kulungamiza bzinthu, ticitambira bzisimbo. (Mim 10:7) Kodi n’ciyani comwe wale omwe ambapereka na omwe ambatambira cirango an’funika kukumbukira?

Omwe ambapereka. Akulu wa gwere, abereki, na wanthu winango, ambacita nyongo yakupereka cirango mwa lufoyi na mwakudeka mtima, ninga momwe Yahova ambacitira. (Jer 46:28) Nthawe zinango cirango ca mphanvu cingaperekedwe mwakubverana na momwe bzinthu bziriri ndipo mwa lufoyi.—Tito 1:13

Omwe ambatambira. Bziribe basa momwe cirango cibwerere, ifepano tin’funika lini kuciramba, koma m’mbuto mwace tin’funika kuciphatisa basa mwa kamfulumize. (Mim 3:11, 12) Pakuti ndife wanthu wakuperewera, tentsenefe timbafunika cirango, bziribe basa momwe cingabwerere. Ifepano tingatambire cirango kucokera pa bzomwe timbawerenga m’Bibliya, ayai bzomwe timbabva pa mitsonkhano ya gwere. Ndipo nthawe zinango tingatambire cirango kucokera kwa komiti ya ciyeruzo. Tikabvuma cirango na kuciphatisa basa, tin’dzakhala na moyo wabwino, ndipo tin’dzakhala na moyo wakusaya kumala.—Mim 10:17.

ONANI VIDIYO YA MSOLO WAKUTI “YAHOVA AMBALANGA WALE OMWE IYE AMBAFUNA,” MUKAMALA BVUNZANI ABVESERI KUTI:

• 

  Kodi moyo wa Canon udayamba tani, ndipo udacinja tani?

• 

  Kodi iye adatambira cirango ciponi ca lufoyi cakucokera kwa Yahova?

• 

  Kodi tikupfunza ciyani na ciratizo cace?