Pitirizani Kukhala Wakukonzeka Kuphampha kwa ‘Ntsiku Zakumaliza’ Zino

Pomwe tikukhala kuphampha kwa ‘ntsiku zakumalizira’ ifepano tingadikhirire kuti mabvuto yan’dzapitiriza kuthimizirika. (2Tim 3:1; Mat 24:8) Wanthu wa Yahova akagwedwa na malengwa ya pantsi, ambatambira malango yomwe yambawathandiza kuti akhale wakukhotcerereka. Kuti tidzapulumuke tin’funika kubvera malango yakuti tin’funika kukhala wakukonzeka pakali pano pa mbali ya kulimbisa uxamwali bwathu na Yahova na kukonzekereratu bzomwe mpsakufunika.—Lu 16:10.

• Kukonzekereratu mbali ya kunamata kwathu: Mbakhalani na ndondomeko yabwino. Pfunzani njira zakusiyasiyana zakupalizirira. Lekani kumbakhala na thupo kwene-kwene mukakhala muli lini pabodzi na gwere kwa kanthawe kakucepa. (Zai 30:15) Yahova pabodzi na Jezu ali namwe.—od-CN matsa. 176 ndi. 15-17

• Kukonzekereratu bzinthu bzakufunika: Kuthimizira pa kukhala na pasta yomwe ingakhale na bzinthu bzakufunikira, banja liri-lentse lin’funikiratu kukhala na cakudya cakukwana, madzi, mankhwala na bzinthu bzinango bzakufunika mukadzakhala ku mbuto inango kwa nthawe itali.—Mim 22:3; g17.5-CN matsa. 4, 6

ONANI VIDIYO YA MSOLO WAKUTI KODI NDIMWE WAKUKONZEKA KULIMBANA NA MATSOKA YACILENGEDWE? MUKAMALA, BVUNZANI ABVESERI KUTI:

• 

  Pomwe tikanati kugwedwa na malengwa ya pantsi, kodi tingakonzekere tani bzomwe mpsakufunika pa mbali ya kunamata kwathu?

• 

  Thangwe ranyi tin’funika . . .

  • kumbaceza kawiri-kawiri na akulu wa gwere?

  • kukonzekereratu bzinthu bzakufunika?

  • kumbakumbukira mitundu ya malengwa yomwe ingacitike na bzomwe tingacite ikacitika?

• 

  Kodi ni bzinthu bzitatu bziponi bzomwe tingacite kuti tithandize omwe agwedwa na malengwa ya pantsi?

BZIBVUNZENI KUTI,‘Kodi matenda ya COVID-19 yatipfunzisa ciyani pa nkhani ya kukhala wakukonzeka?’