Mbalatizani Lufoyi m’Banja

Lufoyi ni kola yomwe imbacitisa kuti banja likhale lakuphatana. M’banja mukasaya lufoyi bzimbakhala bzakunesa kuti iro likhale lakubverana na kumbacitira bzinthu pabodzi. Kodi amuna, akazi, na abereki angalatize tani lufoyi m’banja?

Mwamuna wa lufoyi ambakumbukira bzomwe mkazi wace ambafuna, makumbukidwe yace na momwe iye ambabvera. (Wayef 5:28, 29) Iye ambapereka bzomwe mpsakufunikira kwa banja lace ndipo ambalithandiza kuti likhale pa uxamwali bwakulimba na Yahova na kumbakhala na usiku bwa kunamata kwa pa banja. (1Tim 5:8) Mkazi wa lufoyi ambabvera mwamuna wace ndipo ambamulemekeza ‘kwene-kwene.’ (Wayef 5:22, 33; 1Pe 3:1-6) Ndipo mwamuna na mkazi an’funika kumbakhala wakukonzeka kumbalekererana na mtima wentse. (Wayef 4:32) Abereki wa lufoyi ambalatiza kuti ambafuna m’bodzi na m’bodzi mwa wana wawo ndipo ambawapfunzisambo kufuna Yahova. (Bzak 6:6, 7; Wayef 6:4) Kodi ni mabvuto yaponi yomwe wana wawo akugumana nayo ku xikola? Kodi iwo ambacita tani akayezedwa na anzawo wa ku xikola? M’banja mukambakhala na lufoyi, wentse m’banjamo ambabzibva kukhala wakukhotcerereka.

ONANI VIDIYO YA MSOLO WAKUTI PITIRIZANI KULATIZA LUFOYI M’BANJA MWANU, MUKAMALA BVUNZANI ABVESERI KUTI:

• 

  Kodi mwamuna wa lufoyi ambasamalira tani mkazi wace?

• 

  Kodi mkazi wa lufoyi ambalatiza tani kuti ambalemekeza kwene-kwene mwamuna wace?

• 

  Kodi abereki wa lufoyi angapfunzise tani wana wawo bza Yahova?