BZIPEREKENI MU UTUMIKI BWAKUMUNDA | MBAKONDWANI KWENE-KWENE MU UTUMIKI
Tokonyani Mtima
Munthu an’funika Kubvera Mulungu na mtima wentse. (Mim 3:1) Tenepo, tikambapfunzisa wanthu, tin’funika kucita nyongo kuti titokonye mitima yawo. Tingacite tani bzimwebzi?
Lekani kumbandopfunzisa nyakupfunza wanu cadidi ca m’Bibliya, koma muthandizenimbo kuwona momwe angaphatisire basa bzomwe akupfunzabzo pa moyo wace na momwe bzingamuthandizire kulimbisa uxamwali bwace na Yahova. Muthandizeni kubvesesa momwe mitemo ya m’Bibliya imbalatizira lufoyi, ubwino na cirungamo ca Mulungu. Muciteni mibvunzo mu njira yabwino, yomwe inimuthandiza kuwona momwe iye akubvera na bzomwe akupfunza. Muthandizeni kuwona phindu lomwe iye angagumane akasiya bzicito ayai makumbukidwe yakuphonyeka. Imwepo mun’dzakondwa kwene-kwene, mukawona kuti nyakupfunza wanuyo ambafuna Yahova na mtima wentse.
ONANI VIDIYO YA MSOLO WAKUTI KHALANI WAKUKONDWA PAKUPFUNZISA WANTHU—KULISANI LUSO LANU—TOKONYANI MTIMA, MUKAMALA BVUNZANI ABVESERI KUTI:
Thangwe ranyi Rita abvunza Duminga kuti: “Mukukumbukira bzomwe tidapfunza pa ciposi?”
Kodi Rita athandiza tani Duminga kuwona kuti mitemo ya m’Bibliya imbalatiza lufoyi la Yahova kwa iye?
Tikambatokonya mitima ya anyakupfunza wathu, tin’dzawathandiza kukula mwauzimu
Kodi Rita athandiza tani Duminga kukumbukira momwe iye angalatizire lufoyi lace kwa Mulungu?