Mbawonani Akazi Wacikulire Ninga mai Wanu Ndipo Atsikana Ninga Mpfumakazi Zanu

Bzinembo bzimbatiuza kuti tin’funika kumbawona Akristau wacikulire ninga azimai na azipai wathu ndipo maswaka ninga abale wathu. (Werengani 1 Timotio 5:1, 2.) Abale, an’funika kumbacita bzinthu na mpfumakazi zawo mwaulemu kwene-kwene.

Abale an’funika kutcenkha kumbasenzekesa mpfumakazi ayai kucita bzinthu bzinango bzomwe bzingacitise mpfumakazizo kubzibva kuipa. (Djobi 31:1) Ndipo iwo an’funikambo lini kusenzekesa makumbukidwe ya mpfumakazi mwakumbalatiza ninga kuti akufuna kukhala nayo pa umakhadzi uko ne.

Akulu an’funika kumbakhala tceru na kumbatawira mu njira yabwino mpfumakazi zikacita mbvunzo ayai zikambalewa makumbukidwe yazene mwa ulemu pa nkhani inango. Akulu ambalatizambo kuti ambakumbukira maka-maka wale omwe alibe amuna kuti awakhotcerere.—Ru 2:8, 9.

ONANI VIDIYO YA MSOLO WAKUTI PITIRIZANI KULATIZA LUFOYI KWA WALE OMWE TIMBANAMATA NAWO—AMANTSIWA NA NKHUNGWA, MUKAMALA BVUNZANI ABVESERI KUTI:

• 

  Kodi abale na mpfumakazi adalatiza tani lufoyi likulu kuna mpfumakazi Myint?

• 

  Kodi lufoyi lomwe gwere lidalatiza lidapereka tani umboni pa mudzi omwe akhakhala?

• 

  Kodi mpfumakazi Myint na wana wace adabva tani na lufoyi lomwe gwere lidalatiza?

Kodi n’ciyani cinango comwe mungacite kuti mulatize kuti mumbakumbukira mpfumakazi za m’gwere mwanu?