CUMA CA M’FALA LA MULUNGU

Tumikirani Yahova na Mtima Wentse

Kalebe adayambizira kutumikira Yahova na mtima wentse (Djos 14:7, 8)

Na kupita kwa nthawe, Kalebe adakhulupira Yahova kuti akwanise kucita basa lakunesa lomwe adapasidwa kuti acite (Djos 14:10-12; w04-CN 1/12 tsa. 11 ndi. 11)

Kalebe adasimbidwa thangwe ra kutumikira Yahova na mtima wentse (Djos 14:13, 14; w06-CN 1/10 tsa. 18 ndi. 11)

Bzithunzi-thunzi: Mpfumakazi yakukhulupirika yomwe napo njakukalamba ikukwanisa kupirira mabvuto yomwe ikugumana nayo. 1. Iyo yaphata mpsimbo pomwe ikukhala pantsi icipemba. 2. Iyo ikupalizira pabodzi na mpfumakazi yomwe ni mtsikana. 3. Iyo ikulatiza mafoto kwa wana wa m’gwere mwace. 4. Iyo ikusekerera thangwe ra cikhulupiro comwe inaco.

Cikhulupiro ca Kalebe cikhambalimba pomwe iye akhambasimbidwa na kupitiriza kuteweza malango ya Yahova. Ifepano tikambawona momwe Yahova ambatawirira mipembo yathu na kuwona momwe iye ambatitsogolerera m’mbali zakusiyana-siyana za moyo wathu, timbalimbikisidwambo kuti tipitirize kumutumikira na mtima wentse.—1Ju 5:14, 15.