Uzani Winango Bzipsa Bzabwino Bzakuti Dziko Labwino Liri Pafupi!

M’mwezi wa Novembro tin’dzakhala na mwayi wakudziwisa bzipsa bzabwino bzakuti dziko lipsa liri pafupi. (Psal 37:10, 11; Cibv 21:3-5) Konzekerani bwino-bwino kuti mudzakhalembo pa kampanyayi. Imwepo mungafuna kudzacita upainiya bwakuthandiza m’mwezi umweyu, mungasankhule kudzapereka maora 30 ayai 50.

Konzekerani cinembo comwe cimbalewa bza dziko lipsa ndipo citani ciri-centse kuti mudzafotokozere wanthu azinji cinemboco. Pakusankhula cinemboco, onesesani kuti ni nkhani iponi yomwe wanthu azinji ambakomedwa kuibva m’gawo mwanu. Munthu akalatiza kuti akufuna kudziwa bzizinji pa ulendo bwakuyamba, mupaseni revista ya Nsanja ya Olonda N.° 2 2021. Ndipo mwakusaya kutenga nthawe, yambisaniletu pfunziro la Bibliya na munthu omwe alatiza kuti akufuna kudziwa bzizinjiyo, mwakuphatisa basa broxura lakuti Khalani na Moyo Wakukondwa Mpaka Kale-kale!. Ni mwayi ukulu kwene-kwene kucita mbali ya kudziwisa bzipsa bzabwino ‘pa cinthu comwe n’cabwino!’—Zai 52:7.

ONANI VIDIYO YA NYIMBO YA MSOLO WAKUTI DZIKO LIPSA LOMWE LIKUBWERA, MUKAMALA BVUNZANI ABVESERI KUTI:

• Kodi ni tsogolo labwino liponi lomwe kamtsikana kale kakulikumbukira?

• Kodi ni cinthu ciponi maka-maka comwe imwepo mukufunisisa kudzacicita m’dziko lipsa?

• Kodi kukumbukira bza cidikhiro canu ca kutsogolo kungakuthandizeni tani kukonzekera kuti mudzacite mbali pa kampanya ya mu Novembro?—Lu 6:45