Mpfumakazi Zimbacita Bzizinji Pakutumikira Yahova

Akazi akubzipereka kwene-kwene pa basa la Umambo. (Sl 68:11) Ambacitisa mapfunziro ya Bibliya mazinji. Azinji wa iwo ni apainiya wakukhazikika, winango akutumikira pa Beteli, akutumikira ninga amisiyonariyo, akubzipereka pa basa la kumanga-manga na la kusandulizira. Mpfumakazi zakukhwima mwauzimu, zimbalimbikisa mabanja yawo na magwere. (Mim 14:1) Napo kuti mpfumakazi zingatumikire lini ninga akulu ayai atumiki wakuthandiza, izo zingakhale na bzakulinga m’gwere. Penu ndimwe mpfumakazi, ni bzinthu bziponi bzomwe mungacite pakutumikira Yahova?

• Kulisani makhalidwe yacikristau. —1Ti 3:11; 1Pe 3:3-6

• Thandizani mpfumakazi m’gwere mwanu momwe angacitire bzinthu bzinango bzauzimu.—Tit 2:3-5

• Citani nyongo kuti mumale nthawe izinji mukupalizira na kupalizirambo mwakuphata mtima

• Pfunzani cirewedwe cinango

• Fulukirani komwe kukufunikira thandizo

• Citani nyongo kuti muthemere kukatumikira pa Beteli ayai kuti mukathandizire basa lakumanga nyumba zomwe gulu lathu limbaphatisa basa

• Citani nyongo kuti muthemere kuyenda ku Xikola ya Apalizi wa Umambo

ONANI VIDIYO YA MSOLO WAKUTI “AKAZI OMWE AKUPHATA BASA MWA NYONGO PAKUTUMIKIRA MBUYA,” MUKAMALA MBVUNZANI KUTI:

• Kodi bzomwe mpfumakazi iri-yentse yalewa bzakulimbikisani tani?