KUKHALA NA MOYO WACIKRISTAU
Bzomwe Tingapfunze na Moyo wa Samuyeri
Samuyeri adapitiriza kukhala wakukhulupirika kwa Yahova moyo wace wentse. Pomwe akhali mulumbwana, iye adalamba kucita bzinthu bzakusaya cirungamo bzomwe Ofini na Fineya akhacita, omwe akhali wana wa Eli. (1Sam 2:22-26) Samuyeri adapitiriza kukula, ndipo Yahova adapitirizambo kukhala naye. (1Sam 3:19) Pomwe akhali wacikulire, iye adapitiriza kutumikira Yahova mwakukhulupirika napo kuti wana wace akhacita lini bzimwebzo.—1Sam 8:1-5.
Kodi tingapfunze ciyani na ciratizo ca Samuyeri? Penu ndimwe tswaka, khalani na citsimikizo centse cakuti Yahova ambabvesesa bzomwe mumbagumana nabzo na momwe mumbabvera. Iye angakuthandizeni kukhala wakukhwimika. (Zai 41:10, 13) Penu ndimwe m’bereki ndipo wana wanu asiya kutumikira Yahova, mungatsangalazidwe mukadziwa kuti Samuyeri alibe kungingimiza wana wace omwe akhali akulu-akulu kupitiriza kukhala wakukhulupirika pa mitemo ya Yahova. Iye adasiya nkhaniyo m’manja mwa Yahova, ndipo adapitiriza kucita bzinthu mwakukhulupirika acikondwesa Baba wace wakudzulu. Pinango ciratizo canu cabwino cingacitise wana wanu kubwerera pomwe kwa Yahova.
ONANI VIDIYO YA MSOLO WAKUTI BZOMWE TINGAPFUNZE NA IWO—SAMUYERI, MUKAMALA BVUNZANI ABVESERI KUTI:
Kodi Samuyeri adalatiza tani kukhwimika pomwe akhali mulumbwana?
Kodi Dani adalatiza tani kukhwinika?
Kodi Samuyeri adakhala tani ciratizo cabwino pomwe akhali wacikulire?
Yahova ambapitiriza kuthandiza wale omwe ambakhala wakukhulupirika pa bzomwe mpsabwino
Kodi abereki wa Dani adakhala tani ciratizo cabwino?