Mabvuto Yali-yentse Yambafika Pakumala

Tingagoboke m’mabondo tikakhala tagumana na mabvuto, maka-maka mabvutoyo yakatenga nthawe kwene-kwene. Davide akhadziwa kuti mabvuto yomwe akhagumana nayo thangwe ra Mambo Sauli yangadamala ndipo iye angadadzakhala mambo, ninga momwe Yahova akhadalewera. (1Sam 16:13) Cikhulupiro cace cidamuthandiza kupirira na kudikhirira kuti Yahova acinje momwe bzinthu bzikhaliri pa moyo wace.

Tikagumana na mabvuto, ifepano tingakwanise kuphatisa basa luso lomwe tinalo, cidziwiso cathu, ayai nzeru zomwe tinazo kuti ticinje momwe bzinthu bziriri pa moyo wathu. (1Sam 21:12-14; Mim 1:4) Tsono nthawe zinango mabvutoyo yangapitirize pambuyo pakuti tacita bzentse bzomwe tingadakwanisa mwakubverana na momwe mitemo ya m’Bibliya imbalewera. Pa nthawe ninga imweyi, tin’funika kumbapirira na kudikhirira thandizo la Yahova. Tsapanopapa iye an’dzamalisa mabvuto yentse ndipo “an’dzapukuta misozi yentse” m’maso mwathu. (Apo 21:4) Mabvutoyo yangamale thangwe rakuti Yahova atithandiza ayai yangamale mu njira inango, tsono cadidi n’cakuti: Mabvuto yali-yentse yambafika pakumala. Ndipo kudziwa bzimwebzi kumbatitsangalaza.

ONANI VIDIYO YA MSOLO WAKUTI WANTHU WAKUPHATANA M’DZIKO LOMWE LIRIBE MBVERANO, MUKAMALA BVUNZANI ABVESERI KUTI:

• Kodi ni mabvuto yaponi yomwe abale winango wa ku suli ayai kunyantsi kwa Estados Unidos adagumana nayo?

• Kodi iwo adakhala tani wakupirira na wa lufoyi?

• Kodi iwo adapitiriza tani kunyang’anisisa pa “bzinthu bzomwe n’bzakufunika kwene-kwene”?—Afi 1:10