CUMA CA M’FALA LA MULUNGU

Kodi Tingapfunze Ciyani na Pilare Ziwiri?

Pilare ziwiri zikulu-zikulu zidakonzedwa ziciikhidwa pa mbuto yomwe wanthu angadakwanisa kuziwona bwino-bwino, m’khonde mwa templo (1Wam 7:15, 16; w13-CN 1/12 tsa. 13 ndi. 3)

Pilarezo zikhana madzina yathandauzo. Jakini, lomwe limbathandauza “Yahova azike mwakulimba,” na Bowazi, lomwe lingathandauze “Mwamphanvu” (1Wam 7:21; it-1-T tsa. 370)

Ajirayeri angadathemba Yahova, iye angadawathandiza kuti templo ire ikhale yakulimba (1Wam 7:21; Sl 127:1)

Yahova angatithandize kukunda mabvuto mazinji kuti tipfunze cadidi na kucibvuma. Tsono kuti ‘tipitirize kukhala wakulimba m’cikhulupiro,’ tin’funika nthawe zentse kumbamuthemba. — 1Ak 16:13.

Bzithunzi-thunzi: 1. Mtsikana akupasidwa broxura lakuti “Khalani na Moyo Wakukondwa Mpaka Kale-kale!” na mpfumakazi. 2. Mtsikana m’bodzi-bodziyu ali kumui ndipo akukumbukira msambo wace wa kufumali pomwe akuwerenga broxura lakuti “Khalani na Moyo Wakukondwa Mpaka Kale-kale!.” 3. Iye akubatizidwa.

BZIBVUNZENI KUTI: ‘Kodi ningalatize tani kuti nimbathemba Yahova?’