Elizeu akuuza mtumiki wace kuti: “Omwe ana ife mbazinji kwene-kwene kuposa omwe ana iwo.” — 2Wam 6:16

CUMA CA M’FALA LA MULUNGU

Omwe Ana Ife Mbazinji Kwene-kwene Kuposa Omwe Ana Iwo

Elizeu na mtumiki wace adazunguliridwa na acikunda wa ku Siriya (2Wam 6:13, 14; lfb tsa. 126 ndi. 2)

Elizeu adapitiriza kukhala wakugwa mpfuwa ndipo adalimbisa cikhulupiro ca mtumiki wace (2Wam 6:15-17; w13-CN 15/8 tsa. 30 ndi. 2; onani cithunzi-thunzi ca pa tsamba lakuyamba)

Yahova adapulumusa Elizeu na mtumiki wace mwakudabwisa (2Wam 6:18, 19; lfb matsa. 126-127 ndi. 3-4)

Elizeu akulatiza mtumiki wace makavalo yomwe yakupfuwa ngolo za nkhondo zomwe zidazungulira acikunda wa ku Siriya.

Yahova ngwamphanvu kuposa anyamadulanthaka wathu. Kodi mukukumbuka kuti tingadawona ciyani, bzingadakhala kuti timbakwanisa kuwona kudzulu komwe kuna Yahova na basa lomwe anjo akucita kuti akhotcerere wanthu wace?