Kodi Mwakonzekera Kale Bzakucita Mukadzafuna Thandizo la Ulapi la Kamfulumize?

Thangwe ranyi mpsakufunika kukonzekera? Nthawe iri-yentse tingaduwale ticikhala baxa ku nyumba ya ulapi. Ndipopa tikakonzekereratu bzakucita pakali pano, tin’dzatambira thandizo labwino la ulapi tikadzaduwala. Ndipo tikacita bzimwebzi timbalatiza kuti timbalemekeza moyo na malamulo ya Yahova pa nkhani ya mulopa. — Mab 15:28, 29.

Kodi mungacite ciyani kuti mukhale wakukonzeka?

• Pembani kwa Yahova kuti mukwanise kupreencheri bwino kartau ya mulopa yakucemeredwa (DPA).a Apalizi wakubatizidwa angatambire kartau imweyi kuna mtumiki wa mabukhu ndipo angatengerembo wana wawo ang’ono kakartau kakucemeredwa Cartão de Identificação (ic)

• Penu muna pathupi, mungakumbire akulu wa gwere lanu tsamba lakuti Informação para Grávidas (S-401). Tsamba limweri lingakuthandizeni kucita bzinthu mwanzeru mukayamba kuduwala pomwe muna pathupi na pa kubereka

• Mukawona kuti mun’funika kutambira thandizo la ulapi lomwe lin’phatisa basa mulopa, dziwisani akulu. Ndipo mungadziwisembo adotolo kuti m’bodzi wa Mboni za Yahova an’bwera kudzakuwonani

Kodi akulu angakuthandizeni tani? Iwo angakuthandizeni kupreencheri kartau ya mulopa yakucemeredwa DPA. Tsono, akulu an’dzakuuzani lini bzakucita pa nkhani yomwe munthu an’funika kubzisankhulira yekha. (Aro 14:12; Aga 6:5) Mukauza akulu wa gwere lanu kuti mukuduwala ndipo akufuna kukuikhani mulopa, iwo an’dzadziwisa bzimwebzi Komiti Yakucezerana na Nyumba za Ulapi kuti ikuthandizeni.

Kodi Komiti Yakucezerana na Nyumba za Ulapi ingakuthandizeni tani? Abale wa m’Komiti Yakucezerana na Nyumba za Ulapi adapfunzisidwa kuti athandize adotolo na wanthu winango kubvesesa bzomwe timbakhulupira pa nkhani ya mulopa. Iwo angacezerane na adotolo bzomwe angacite kuti akulapeni mwakusaya kuphatisa basa mulopa. Ndipo bzikafunikira, iwo angakuthandizeni kugumana dotolo omwe angakulapeni mwakusaya kuphatisa basa mulopa.

ONANI VIDIYO YA MSOLO WAKUTI BZOMWE TINGACITE KUTI TISANKHULE THANDIZO LA ULAPI PA NKHANI YA MULOPA, MUKAMALA BVUNZANI ABVESERI KUTI:

• Kodi bzomwe mwawona mu vidiyoyi bzingakuthandizeni tani kukonzekereratu bzomwe mungadzacite adotolo akadzafuna kukupasani thandizo la ulapi lomwe limbaphatisa basa mulopa?

  Your answer