CUMA CA M’FALA LA MULUNGU

Kusaya Kubvera Kumbabweresa Mabvuto Makulu

Ajirayeri winango adalowola akazi omwe akhanamata bzifanikiso (Eza 9:1, 2; w06-CN 15/1 tsa. 20 ndi. 1)

Iwo alibe kubvera malamulo yomwe Yahova adawapasa (Eza 9:10-12)

Kusaya kubvera kwawoko kudawabweresera mabvuto ndipo kudabwereserambo mabvuto mabanja yawo (Eza 10:10, 11, 44)

Mpfumakazi yomwe idalowodwa na munthu omwe ni Mboni lini, tsapano ina mwana ndipo ikukumbukira pa nthawe yomwe ikhacita bzizinji pakutumikira Yahova. Patsogolo pace pana meza ndipo pa mezapo pana sigaro. Mwamuna wace adagona pa sofá ndipo adaledzera.

Malamulo yomwe Yahova ambatipasa njabwino kwa ifepano nthawe zentse. (w09-CN 1/10 tsa. 10 ndi. 6) Kubvera kun’dzaticitisa kuti tileke kugumana na mabvuto ndipo kun’dzatithandiza kuti tidzatambire bzisimbo bzizinji kutsogolo.

BZIBVUNZENI KUTI: ‘Kodi kubvera Yahova kudandikhotcerera tani ku mabvuto yakusaya kudikhiririka?