KUKHALA NA MOYO WACIKRISTAU
Abereki, Pfunzisani Wana Wanu Momwe Angakondwesere Mulungu
Yahova ambawona kuti wana mbakufunika kwene-kwene. Iye ambawona kuyenda kwawo patsogolo mwauzimu na kupirira kwawo. (1Sa 2:26; Lu 2:52) Wana akakhala na makhalidwe yabwino angakondwese Yahova napo kuti akali ang’ono kwene-kwene. (Mim 27:11) Mwakuphatisa basa gulu lace, Yahova ambakonza bzinthu bzomwe abereki angabziphatise basa pa kupfunzisa wana wawo kuti afune Yahova na kumubvera.
ONANI VIDIYO YA MSOLO WAKUTI WANAMWE — KUPIRIRA KWANU KUMBAKONDWESA YAHOVA! MUKAMALA BVUNZANI ABVESERI KUTI:
Kuyambira kale-kale, n’ciyani comwe Yahova akukonza kuti cithandize wana na maswaka?
Kodi ni bzinthu bziponi bzomwe bziripo bzomwe bzingathandize abereki kupfunzisa wana wawo?
Penu imwepo ndimwe mwana, kodi ni bzinthu bziponi bzomwe Yahova adakukonzerani bzomwe mumbakomedwa nabzo, ndipo thangwe ranyi?