Mafala ya m'nyantsi

c Adziwi winango ambalewa kuti amuna amwewa adacita lumbiro la kukhala Anazireu. (Num. 6:1-21) N’cadidi kuti Lamulo la Mozeji lomwe likhana nfundo zakulewa bza lumbiro limweri likhadasiya kuphata basa. Napo bzikhali tenepo, Paulo pinango-pentse akhakumbuka kuti pakhalibe cakuphonyeka amunawo kucita bzomwe adalumbira kwa Yahova. Ndipopa bzikhali lini bzakuphonyeka Paulo kupagali bzentse bzakufunika na kuwaperekeza. Tikudziwa lini bwino-bwino lumbiro lomwe iwo adacita. Tsono bzikuwoneka kuti Paulo angadawathandiza lini kuti apereke ntsembe ya bzifuwo (ninga bzomwe Anazireu akhacita), Thangwe akhadziwa kuti ntsembeyo ingathandize lini munthu kukhala wakucena ku pikado zace. Ntsembe yakulungama ya Kristu idacitisa kuti ntsembe za bzifuwo zileke kuphatisidwa pomwe basa pa kumpsinkha pikado. Tikudziwa lini bzentse bzomwe Paulo adacita; tsono tikukhulupira kuti angadabvuma lini kucita ciri-centse cakupitana na cikumbu-mtima cace.