Mafala ya m'nyantsi

e 2 Nkhani 18:1 Jehosafati akhana cuma na umbiri buzinji, koma adacita mpangano wa malowozi na Akabe. 2 Tenepo, pomwe padapita magole, Jehosafati adayenda kukazungira Akabe ku Samariya, ndipo Akabeyo adaphera iye pabodzi na wanthu omwe akhanaye, mabira mazinji pabodzi na ng’ombe. Ndipo Akabe adayamba kupseterera Jehosafati kuti ayende kukamenyana na mzinda wa Ramoti-Jileyade. 3 Akabe, Mambo wa Jirayeri, adabvunza Jehosafati Mambo wa Djuda kuti: “Kodi tiniyenda pabodzi ku Ramoti-Jileyade?” Iye adatawira kuti: “Ifepano ndife abodzi. Ndipo wanthu wangu na wanthu wako mbabodzi ndipo iwo an’dzakuthandiza ku nkhondo.”