Mafala ya m'nyantsi

d Marko 10:17 Pomwe Jezu akhacoka, mwamuna munango adamuthamangira, ndipo adamugodamira, acimubvunza kuti: “Mpfunzisi Wabwino, kodi n’ciyani comwe nin’funika kucita kuti ndidzatambire moyo wakusaya kumala?” 18 Jezu adati kwa munthuyo: “Thangwe ranyi ukundicemera wabwino? Palibe wabwino, koma Mulungu yekha. 19 Imwepo mumbayadziwa malamulo yakuti: ‘Leka kupha, leka kucita upombo, leka kuba, leka kupereka umboni bwakunama, leka kukhulukha, lemekeza pai wako na mai wako.’” 20 Mwamunayo adauza Jezu kuti: “Mpfunzisi, bzentsebzi nimbabzicita, kuyambira ubwana bwangu.” 21 Jezu adamunyang’anisa ndipo adamufuna kwene-kwene. Tenepo adamuuza kuti: “Cikusala cinthu cibodzi: Ndoko ndipo kagulise bzinthu bzomwe unabzo, ndipo kobiriyo ukagawanise anyakusauka, ndipo iwepo un’dzakhala na cuma kudzulu, ukamala ubwere ucidzakhala mteweri wangu.” 22 Tsono iye alibe kukomedwa na mtawiroyo ndipo adayenda wakusunama, pakuti iye akhana bzinthu bzizinji.