Mafala ya m'nyantsi

a Pakuti ndife wanthu wakuperewera, nthawe zinango tingacite ayai kulewa bzinthu bzomwe bzingakalipise abale na mpfumakazi zathu. Kodi tin’funika kucita ciyani bzimwebzi bzikacitika? Kodi timbacita ciri-centse comwe tingakwanise kuti tipitirize kukhala pa mtendere na abale wathu? Kodi timbakulumiza kukumbira kuti atilekerere bzomwe taphonyabzo? Ayai pinango timbandolewa kuti “penu iwo bzikuwawawa mpsawouko, ife tiribe nabzo basa.” Ayai tani penu ifepano timbadiza lini kukalipa thangwe ra mafala ayai bzicito bza anzathu? Kodi ifepano timbalamba kucinja, ticilewa kuti tidabadwa tenepoyo? Ayai timbabvesesa kuti tin’funika kucinja?