Mafala ya m'nyantsi

d Mirewengo 35:20 Penu nyakuphayo wapha mwanzaceyo mwakucita kumugwinya thangwe rakuti akhamuwenga ayai wamuthusira cifuzo thangwe rakuti akhanaye mathangwe, 21 ayai penu wapha mwanzeceyo mwakucita kumumenya na manja yace thangwe ra kumuwenga, ndipo mwanzaceyo wafa, nyakuphayo aphedwembo. Iye ni nyakupha. Ndipo nyakubwezera mulopa an’funika kupha munthuyo akamugumana. 22 “ ‘Tsono penu wamugwinya mwa ngozi sikuti thangwe ra kumuwenga, ayai wathusa cifuzo mwakusaya kudziwa, 23 ayai penu nyakuphayo akhawona lini munthuyo ndipo wamuthusira mwala mwa ngozi, mwalayo ucimuboma, napo kuti munthuyo akhali lini nyamadulanthaka wace ndipo akhafuna lini kumucita ciwembo, ndipo munthuyo wafa, 24 ayeruzi an’funika kutonga nyakubwezera mulopayo na nyakupha munthuyo mwakubverana na malamuloya.