Mafala ya m'nyantsi

b 2 Wamambo 4:32 Pomwe Elizeu adapita m’nyumbamo, adagumana mwanayo wafa ndipo akhadagona pa kama yace. 33 Tenepo, iye adapita m’cipindamo acifunga msuwo ndipo iye na mwana wakufayo adakhala m’mwemo, aciyamba kupemba kwa Yahova. 34 Patsogolo pace, iye adakwira pa kamapo acigonera mwanayo. Ndipo adakhuisa mulomo wace pa mulomo wa mwanayo, maso yace na maso ya mwanayo, aciikhambo manja yace padzulu pa manja ya mwanayo ndipo adapitiriza kugonera mwanayo mpaka thupi la mwanayo lidayamba kuthuma. 35 Tenepo, Elizeu adayamba kuzunga-zunga m’nyumbamo, patsogolo pace adakakwira pa kama pale acigonera pomwe mwanayo. Ndipo mwanayo adayetsemula kanomwe kense, acipenya. 36 Patsogolo pace, Elizeu adacemera Gehazi acimuuza kuti: “Cemera mkazi wacisunamita ule.” Tenepo, Gehazi adacemera mkaziyo ndipo iye adayenda kwa Elizeu. Ndipo Elizeuyo adati kwa mkaziyo: “Tenga mwana wako.” 37 Tenepo mkaziyo adapita m’nyumbamo ndipo adagodama pa maso pa Elizeu, acikotama mpaka mkhope yace kukhuya pansi, pambuyo pace, adatenga mwana waceyo aciyenda naye.