Mafala ya m'nyantsi

a 1 Wakolinto 15:12 Tsono penu timbapalizira kuti Kristu adalamusidwa kwa anyakufa, thange ranyi winango ankulewa kuti anyakufa an’dzamuka lini? 13 Penu kulibe kumuka kwa anyakufa, ndiye kuti Kristu alibembo kumuka. 14 Ndipo penu Kristu alibe kulamusidwa kwa anyakufa, ndiye kuti kupalizira kwathu n’kwakusaya phindu ndipo cikhulupiro cathu n’cakusayambo phindu. 15 Kuthumizira bzimwebzi, penu n’cadidi kuti anyakufa an’dzalamuka lini ndiye kuti ndife mboni zakunama za Mulungu, thangwe ifepano tinkucitira umboni Mulungu, bwakuti iye adalamusa Kristu kwa anyakufa. 16 Pakuti penu anyakufa an’dzalamuka lini, ndiye kuti Kristu alibembo kulamusidwa. 17 Ndipo penu Kristu alibe kulamusidwa kwa anyakufa, ndiye kuti cikhulupiro canu ciribe basa ndipo imwepo munkupitiriza na pikado zanu. 18 Ndipo walembo omwe adafa mwa kukhulupira Kristu aluzikiratu mpaka kale-kale. 19 Penu tinkudikhirira Kristu m’moyo uno wokha, ndiye kuti ndife wakupasa nsisi kuposa wanthu winango wense.