Mafala ya m'nyantsi

d Mabasa 13:32 “Tenepo, ifepano tinkukudziwisani bzipsa bzabwino bza piciro lomwe lidaperekedwa kwa abereki wathu. 33 Mulungu wakwanirisa piciroli kwa ifepano, wana wawofe, mwa kulamusa Jezu; ninga momwe bzidanembedwera mu psalymo waciwiri kuti: ‘Iwepo ndiwe mwana wangu ndipo lero inepano ndakhala baba wako.’ 34 Ndipo nfundo yakuti Mulungu adamulamusa kwa anyakufa kuti aleke kudzakhala pomwe na thupi lomwe lingabvunde, Iye adaifotokoza kuti: ‘Ndin’dzakulatizani lufoyi langu lakusaya kumala na lakukhulupirika, lomwe ndidalatiza kwa Davide.’ 35 Ndipo mu psalymo linango iye adati: ‘Mun’dzalekerera lini kuti thupi la nyakukhulupirika wanu libvunde.’ 36 Koma Davide adatumikira Mulungu mu nthawe ya m’badwo wace, adagona mu infa, acikaikhidwa m’thenje pabodzi na abereki wace ndipo thupi lace lidabvunda. 37 Tsono ule omwe adalamusidwa na Mulungu, thupi lace liribe kubvunda. 42 Tenepo, pomwe akhabula, wanthuwo adawadandaulira kuti adzawauze pomwe nkhani zimwezi pa nsiku ya malinkhuma yakutewera.