Mafala ya m'nyantsi

c Kufuluka 20:1 Mulungu adalewa mafala aya: 2 Inepano ndine Yahova, Mulungu wako; omwe ndidakucosa ku dziko la Edjipito, ku nyumba ya ukapolo. 3 Leka kukhala na mirungu inango, koma ine ndekha. 4 Leka kubzisemera cifanikiso cakundendemerana na bzomwe bziripo kudzulu, na bzomwe bziripo pansi, ayai na bzomwe bziripo m’madzi pansi pa dziko. 5 Leka kubzigodamira, ne kupumpsidwa kuti ubzitumikire, thangwe inepano Yahova, Mulungu wako, ndine Mulungu omwe ndimbafuna kuti wanthu anamate ine ndekha basi; ndipo ndimbalanga thangwe ra bzakuipa bza ababamunthu pa wana wawo, na pa azukulu, na pa azukuludwe, akandiwenga. 6 Koma ndimbalatiza lufoyi lakukhulupirika kwa mibadwo bzulu ya wale omwe ambandifuna na kusunga mitemo yangu.