Mafala ya m'nyantsi

b Mabasa 13:44 Pa nsiku ya malinkhuma yakutewera, pafupi-fupi mzinda wense udatsonkhana pabodzi kudzabvesera mafala ya Yahova. 45 Pomwe Ajuda adawona thimu la wanthulo, adakhala na njiru ndipo adayamba kunyoza bzomwe Paulo akhalewa. 46 Tenepo, Paulo na Barnaba mwakulimba mtima adawauza kuti: “Imwepo mukhafunikira kukhala wakuyamba kubva mafala ya Mulungu. Tsono pakuti mwayalamba ndipo mwalatiza kusaya kuthemera moyo wakusaya kumala, ifepano tinkuyenda kwa mitundu inango. 47 Pakuti Yahova watipasa lamulo iri: ‘Ndinkukuikhani ninga ceza kwa mitundu ya wanthu, kuti mukhale cipulumuso mpaka kumalekezero ya dziko la pansi. 48 Pomwe wanthu wa mitundu inango adabva bzimwebzi, adakondwa acilemekeza fala la Yahova. Ndipo wense omwe akhana makumbukidwe yabwino yomwe yangadawathandiza kukagumana moyo wakusaya kumala adakhala anyakukhulupira.