4:10-15

Thangwe ra thandizo la Yahova Mozeji alibe kukhala pomwe na mantha. Kodi tingapfunze ciyani na bzomwe Yahova adauza Mozeji?

• Mpsabwino lini kumbandokhala ticikumbukira pa bzomwe tingakwanise lini kucita

• Tinfunika kukhala na cikhulupiro centse cakuti Yahova an’dzatipasa bzentse bzomwe tingafunikire kuti tikwanise kucita basa lomwe iye watipasa

• Cikhulupiro cathu kwa Yahova cin’dzatithandiza kuti tireke kumbagopa wanthu

Pakuyamba, Mozeji akhabzipenukira kuti angadakwanisa kucita bwino basa lomwe Yahova akhadamupasa. (Kuf 4:10, 13) Kodi imwepo mudabzibvambo kale tenepo? Kodi imwepo munkupfunza Bibliya na Mboni za Yahova? Kodi mumbazibva kuti mungakwanise lini kupalizira nyumba na nyumba? Ayai pinango ndimwe tswaka ndipo mumbabva mantha kupalizira ku xikola. Pinango mumbabva mantha kucita upalizi bwa pa mtedwe ayai kucita mtundu unango wa upalizi bwa padeca. Tsono mbapembani kwa Yahova kuti akupaseni mzimu wace wakucena (1Pe 4:11) Khulupirani kuti Yahova angakuthandizeni kucita basa liri-lentse lomwe iye angakupaseni.—Kuf 4:11, 12.