-
Jezu Adayendesedwa kwa Anasi na kwa KaifasiJezu Ni Njira, Cadidi na Moyo
-
-
Ndipo m’bodzi mwa alindiri omwe akhadaima pafupipo adamenya mbama Jezu, acimutsimula kuti: ‘Ungatawire mkulu wa ansembe tenepa?’ Jezu akhadziwa kuti akhalibe kuphonya, ndipopa iye adati: ‘Penu ndalewalewa mwakuphonyeka, pereka umboni pa bzomwe ndaphonyesabzo. Tsono penu ndiribe kuphonyesa, thangwe ranyi wandimenya?’ (Juwau 18:22, 23) Tenepo Anasi adawauza kuti ayende naye kwa mkwasa wace Kaifasi.
Pomwe Jezu adafika na thimu la wanthulo kumui kwa Kaifasi, adagumana mkulu wa ansembe, akulu-akulu pabodzi na Anembi omwe akhacita mbali ya Sinedriyo atatsonkhana kale. Cakutonga cikhabvumiza lini kutonga mulandu usiku bwa nsiku ya Paskwa. Koma iwo adayeruza basi mulandu wa Jezuyo kuti akwanirise bzomwe akhafuna.
Bzidacita kuwonekeratu kuti gululo likhalibe cirungamo. Tinkulewa tenepo thangwe pomwe Jezu adalamusa Lazaro, nyumba ya mphala ya Sinedriyo idatonga kuti Jezu aphedwe. (Juwau 11:47-53) Ndipo pakhadapita kale nsiku zakucepa pomwe atsogoleri wa bzipembedzo akhadabverana kuti aphe Jezu. (Mateu 26:3, 4) Tenepo wanthuwo akhadatsimikiza kale kupha Jezu, napo mulandu wace ukhanati kutongedwa.
-
-
Pedru Adalamba Jezu Kumui kwa KaifasiJezu Ni Njira, Cadidi na Moyo
-
-
Pomwe Jezu adamangidwa mu zunde la Djetsemani, apostolo adathawa thangwe ra mantha. Tsono, mpostolo Pedru pabodzi na ‘nyakupfunza munango’ adayamba kutewera gulu lomwe likhadaphata Jezulo. Bzinkuwoneka kuti nyakupfunza munangoyo akhali mpostolo Juwau. (Juwau 18:15; 19:35; 21:24) Ndipo pinango apostolowo adagumana na thimu lomwe likhadamanga Jezulo pomwe likhapita m’nyumba mwa Anasi. Pomwe Anasi adauza thimulo kuti liyende kumui kwa Kaifasi, Pedru na Juwau akhalitewera napatali. Mpsakusaya kupenukisa kuti apostolowo akhabva mantha, pakukumbukira bzomwe bzingadawacitikira, ndipo akhacitambo thupo na Mbuya wawoyo.
-