-
Gumanani Cikondweso mwa Kuphata Basa Lanu na Nyongo“Pitirizani Kufunidwa na Mulungu”
-
-
6, 7. Kodi Jezu akhana mbiri iponi thangwe ra kuphata basa lace na nyongo?
6 Nayembo Jezu ambaphata basa na nyongo kuyambira kale-kale. Pomwe akhanati kubwera pansi pano, iye adatumikira Mulungu ninga ‘misiri waluso’ pa kulenga bzinthu bzense ‘bzomwe bziripo kudzulu na pansi pano.’ (Mimwani 8:22-31; Wakoloso 1:15-17) Pomwe adabwera pansi pano, Jezu adapitiriza kuphata basa na nyongo. Ali mng’ono, iye adapfunza basa la manja, ndipo adadzadziwika ninga ‘nyakupala matabwa.’a (Marko 6:3) Basa limweri likhali lakunesa kwene-kwene pakuti pa nthawe imweyire kukhalibe mitcini yakugwatira matabwa, maloja yakugulisa matabwa ayai bzinthu bza maluju. Mungakwanise kuwona Jezu ankuyenda kukanyang’ana matabwa yace, pinango mwa kucita kugwesa miti, kuceka, ndipo pambuyo pace ankunyamula, aciyenda nayo komwe ambaphatira basako? Munkukwanisa kumuwona ali padzulu pa nyumba, acimbakhoma malata, kukonza misuwo, mipando na bzinthu bzinango bza m’nyumba? Kulewa cadidi, Jezu akhakomedwa kwene-kwene thangwe ra kuphata basa na nyongo pabodzi na luso lace lense.
-
-
Gumanani Cikondweso mwa Kuphata Basa Lanu na Nyongo“Pitirizani Kufunidwa na Mulungu”
-
-
a M’Cigerego, fala lakuti ‘nyakupala matabwa’ limbathandauza munthu omwe “ambacita mabasa yakusiyana-siyana mwakuphatisa basa matabwa, ndipo angakhale munthu omwe ambakhoma nsodzi, kukonza bzombo bza m’nyumba ayai cinthu ciri-cense cakukonzedwa na matabwa.”
-