• Thandizani Mpfumakazi Zanu Zacikristau
    Nsanza Ya Mulindiri (Yakupfunza)—2020 | Setembro
    • Jezu adakhala ndipo akupfunzisa. Marta na Maria adakhala pafupi na Jezu ndipo akumutetekera. Cithunzi-thunzi: 1. Banja likuzungira mpfumakazi yacikulire yomwe ikuduwala. Mwamuna akuceza na mpfumakaziyo ndipo mkazi akulongedza bzinthu bzomwe abwera nabzo. 2. Banja likucita kunamata kwa pa banja na mpfumakazi pabodzi na mwana wace. 3. M’bale akuthandiza mpfumakazi ziwiri kucinja roda la karo.

      Ninga Jezu, ifepano tingalatize lufoyi lathu kwa mpfumakazi zakukhulupirika (Onani ndime 6-9)h

      6. Mwakubverana na Luka 10:38-42, kodi Jezu adathandiza tani Marta na Mariya?

      6 Jezu akhapambula nthawe yakuti ambaceze na mpfumakazi zace zauzimu zomwe zikhacita bzomwe Yahova ambafuna, ndipo iye akhali xamwali wabwino kuna izo. Onani uxamwali bomwe bukhalipo pakati pa iye na Mariya pabodzi na Marta, omwe akhali wakusaya kulowodwa. Mwa mafala pabodzi na bzicito, Jezu adathandiza akaziwa kukhala wakutsudzuka. Mwa ciratizo, Mariyac adabzibva kukhala wakutsudzuka pomwe adakhala naye pafupi ninga nyakupfunza wace. Tsono Marta pomwe adawona kuti Mariya akumuthandiza lini kukonzekera cakudya ca kumaulo, iye alibe kukomedwa ndipo adakhala wakutsudzuka kuuza Jezu bzomwe akhakumbuka. Pa nthawe imweyo, Jezu adakhala wakukonzeka kuthandiza mpfumakazi zacezo. (Werengani Luka 10:38-42.d) Iye adalatiza kuti akhacita nawo thupo pabodzi na m’bale wawo Lazaro, pomwe adadzawazungira pa nthawe inango. (Juwau 12:1-3) Tsono pomwe Lazaro adaduwala kwene-kwene, Mariya na Marta adadziwa kuti Jezu angadawathandiza.—Juwau 11:3, 5.

  • Thandizani Mpfumakazi Zanu Zacikristau
    Nsanza Ya Mulindiri (Yakupfunza)—2020 | Setembro

    • c Bukhu linango lidati: “Anyakupfunza akhakhala pafupi na apfunzisi wawo. Ndipo anyakupfunza wa nyongo akhakonzekera kuti adzakhale apfunzisi, bzomwe bzikhabvumizika lini kuna akazi. . . . Bzomwe Mariya adacita bzidalatiza kuti iye akhana mtima wakufunisisa kupfunza bzomwe Jezu akhapfunzisa. Bzomwe iye adacitabzo bzikhapitana na mwambo wacidjuda omwe ukhabvumiza lini akazi kukhala apfunzisi. . . . Tsono bzimwebzo bzingadasunamisa amuna azinji wacidjuda.